20 €-tik gorako erosketa eginez gero, 6 €-ko deskontu bonua emango dizugu opari. DESKONTU ZUZENA.

List of products by brand GOINE

Gorua Goiena baserria (Goine) 1783an eraiki zen Ernio mendiaren hegaletan, eta, sorreratik bertatik, ganaduzaintzan eta esnea ekoizten aritu izan dira. XX. mendearen hasieran, suak kiskalita utzi zuen jatorrizko baserria, baina ondorengo urteetan berreraiki zuten.

2005ean, José Antonio Otegui aitzindariak eta haren emazte María Jesús Hidalgok baserria eraitsi eta berriz altxatu zuten, jatorrizkoaren esentziari eutsiz. Gainera, ardi latxak hazten hasi ziren, eta, haiek emaniko esnearekin, gazta eta esnekiak egiten ere bai, artisau moduan eta urteetan ikasitakoari leial. Eta halaxe sortu zen enpresa txiki hau, zeinak produktuak dibertsifikatzearen aldeko apustua egin baitu hasieratik.

Lehendabiziko garaietan, Idiazabal jatorri deiturako gazta bakarrik egiten zuten, dela naturala, dela ketua (etxean bertan, pago egurrarekin, zeinak ke zapore leuna ematen baitio, oso markatua eta definitua, gerokoa areagotuz baina biziegia izan gabe), bai eta gazta zaharra ere. Baina, denboraren poderioz, ikasi eta berritu egin dute, ardi latxaren esnearekin produktu sorta zabala lortu arte; konparazio batera, ardi gazta freskoa, mamia, esne pasteurizatua, jogurt naturalak eta zaporedunak, behi gazta freskoa, gazta samurra, pasta egosiko gazta, boilur gazta, ardi latxa erruloa eta gazura.

GOINE ESNEKIEK mundu zabalean jaso dute aintzatespena, eta hainbat urrezko, zilarrezko eta brontzezko domina eman dizkiote etxe honetako Idiazabal jatorri deiturako gaztari 2010-2019 bitarteko World Cheese Awards sarietan.

4 products.
Erakusten 1-4 artikulu 4 etik

Gaxure naturala. 106 gramoko aleak.

Ardi esnearen gazura-krema, testura krematsuarekin, karamelu kolorearekin eta zapore gozoarekin, ukitu garratz sotil eta ia gazi batekin. Eguneko edozein unetan jan daiteke, bai gosarian, bai askarian, baita janaurreko moduan ere, osagai gazi zein gozoekin konbinatuta. Oso ondo konbinatzen du ogiarekin, fruitu lehorrekin, izokinarekin, urdaiazpikoarekin eta mahatsa bezalako fruituekin. Gainera, gozogintza eta pastelgintzako produktuak, postreak eta izozkiak bezalako esnekiak egiteko erabil daiteke, baita goi mailako gastronomiako edozein plater egiteko ere. Produktu berritzailea da, Idiazabal Jatorri Deituradun gazta egiteko esne-gazurrarekin egindakoa.

Gaztazarra

Nuestro gaztazarra (en euskera queso viejo) es una crema de queso elaborado a partir del queso de leche cruda de oveja Latxa con D.O. Idiazábal. Presenta una textura cremosa, untable y un sabor intenso a queso de oveja. Se debe de mantener en la nevera una vez abierto el envase. Formato 135 gr

Idiazabal JD gazta ketua. 250 gramoko ziria.

Idiazabal Jatorri Deituradun gazta hau gure ardi latxen (Euskadiko ardi autoktono) esne gordinarekin egiten dugu. Gutxienez bi hilabeteko ontze-prozesua egiten zaio. Zilindro formako gazta da, aurpegi nahiko lauak dituena. Azal gogorra eta garbia du, hori kolore argikoa. Pasta trinkoa da, kolore aldakorrekoa, zuritik marfil horixkara, eta modu irregularrean banatutako orban txikiak izan ditzake. Gantz kopurua % 45ekoa edo handiagoa da. Naturala eta ketua ditugu aukeran. Hutsean ontziratuta merkaturatu ohi da. Formatua: ziria eta osorik.

Idiazabal JD gazta naturala. 250 gramoko ziria.

Idiazabal Jatorri Deituradun gazta hau gure ardi latxen (Euskadiko ardi autoktono) esne gordinarekin egiten dugu. Gutxienez bi hilabeteko ontze-prozesua egiten zaio. Zilindro formako gazta da, aurpegi nahiko lauak dituena. Azal gogorra eta garbia du, hori kolore argikoa. Pasta trinkoa da, kolore aldakorrekoa, zuritik marfil horixkara, eta modu irregularrean banatutako orban txikiak izan ditzake. Gantz kopurua % 45ekoa edo handiagoa da. Naturala eta ketua ditugu aukeran. Hutsean ontziratuta merkaturatu ohi da. Formatua: ziria eta osorik.